Ordesako kronika

1.- Ordesa (2005eko urriaren 29a,30a, 31 eta azaroaren 1a)

E eguna iritsi eta Ordesan gaude. Lehenengo begiradan ingurune ederra dirudi: mendiz inguratuta, udazken koloretsua, eta herri lasaiak. Ur dezente. Gero konturatu ginen Ordesaren etimologia Ur hitzan datzala. Ur-jauzi ugari, errekak ur gainezka, eta euria nahikoa. Batek Ur deia jaso eta dendara, botiletan ere ura beharra.Ura lagun, pena! ezin genituelako aurreikusitako ibilbideak gauzatu; baina bestaldetik, horrela ikusteko aukera oso gutxitan dago. Eta horrek ere merezi du.

2.- Zerrenda

35 lagun bildu gara Ordesako txangoan. Autobus betea. Lan bikaina! Rakel. Zerrenda-dantza atzean utzita, azkenean Barnetegi Ibiltaria nagusitu zen. 5 Ibiltari belaunaldien topagune honetan: Joseba, Amaia eta Naiararen aginduetara ibili diren 2001eko Asier, Iratxe, Itziar, Marta eta Rakel, 2002ko Ana, Iñaki, Miguel eta Rafa, 2003ko Axier, Borja, Marian, Pedro eta Pili, eta 2004ko Alberto, Asun, Itziar eta Koldo (batzuk errepikatzaileak, jakina). Josebak poz-pozik egon behar, bere asmakizunaren arrakasta ikusita (edo agian, batzuk elkarrekin/nahasturik berriro ikusteko beldur). Ibiltaria hegazti gripea baino kutsakurroda dela frogatu dugu. (estamos aviaos).

Aspaldiko LMTkide batzuk ere etorri dira: Arantza, Frasko, Idoia, Jabi, Jesus, Juankar, Susana eta Tintxu. Baita lagunen lagunak diren Xabi eta Edu. Eta Berriak: Ainhoa, Odei, Maider eta Sonia. Besteetan ez bezala, oraingo honetan berri gutxi. Baina selektoak (ez kolektiboa). Eta gainera, errepikatzeko gogoarekin. Sonia eta Maider Gavarnieko zerrendan badaude. Azkarrak zarete, gero!

3.- Egunen kronika

            - larunbatean, egunsentia baino lehen abiatu, autobusean filma bat ikusi, lagunak agurtu eta eguerdian Torlan. Gero, batzuk Gorizera ziztu bizian eta besteak Brotora. Orakuloak igarri zuen bezala "batzuk Perdido mendira eta besteak a perderse por el monte”. Brotokoek oztopoak ezin gainditu, "haurdunen paseotxoa" emanda, afaldu ondoren kalejira egin genuen herrian zehar. Bitartean, Gorizekoek bapo afaldu, tarta eta guzti.

            - igandean, euskaldunen ohitura zaharrak jarraituz, Torlan taldea zatitu genuen, mendi taldea Tozal de Mallora, eta lehenengo batzarrekoak Cola de Caballora. Azken talde hau, lainoa lagun, pistatik eman zuen ibilaldia, eta itzulerako asanblada ondoren, 3 bihurtu zen, bide bereko taldea, "Senda de los Cazadores" taldea, eta Ainhoa taldea (EHan inoiz gauzatu da lagun bateko talde bat? Batek daki). "Senda de los Elefantes" taldea ere sortzeko zorian, baina ez zen gauzatu (no colaba). Perdido taldea ere zatitu zen goian, baina zegoen lainoarekin meritu gutxiago du horrek. Beherako bidean, lainoa desagerturik, Iratxe eta Rafaren birtopoa, podium gabekoa, baina. Eta Axierren infernu gorria. Badakizue nola lotzen den apurtutako bota zahar bat polainako kordel batekin? Gakoa korapiloan datza. Galdeiozue Axierri. Orain ondo badaki. Azkenean, talde gehienak "Pradera de Ordesan" berriro batu ziren mahai baten inguruan. Garagardotan. Hori da gure patua!

            - astelehenean, euria lagun. Lagun mina, gainera. San Nicolas de Bujaruelorantz abiatu, eta ur-jauziak direla eta, hor hemenka ibili ginen. Taldekatu ez, sakabanatu egin ginen. Gutxi batzuk Bujaruelora ailegatu ginen blai-blai eginda. Arratsaldean atertu zen eta batzuk paseatzera joan ziren, aterpe-kobazulo horretan ez baitzegoen ezer egiterik. Kobazulo aipatu, eta gogoratu naiz erdiko gelan zegoen gauzak uzteko lekuan, zulo estu, ilun eta heze horretan, zizaren bat ikusi nuela. Zalantzan nabil Pedrok ekarrita zen edo akaso hor bertokoa. Leku ederra barrengorriak (txanpinoiak) landatzeko!

            - asteartean, ibiltari taldea Yosa eta Linars de Brotora abiatu zen, astiro-astiro, eguraldiaz gozatuz. Txangoari amaiera ona emateko, azken zatia "multiabentura" bihurtu zen, moja-kuxinen artean ibiltzen, milaka aldiz errekatxoak zeharkatzen, baita errekatxotik bertatik ibiltzen, eta azkenean botak eta galtzerdiak kendu behar, eta ur-masajea oinetan hartu. Luxuzko SPAn bezala, lehortu eta garagardotzar bana herriko taberna batean, autobusa itxaroten. Bitartean, mendiko taldea, Antena mendia (2003m) igo, ikuspegi ederra gozatu (Vigñemale ere ikusi omen zen) eta jaitsi ondoren, sherpa moduan ibili ziren guztien bultoak autobuseratu. Hodei eta Sonia ere, berriak izan arren, ez ziren lan horretaz libratu. Holakoak dira LMT txangoak, majotxoak, ezusteko galantaz josita. Mila esker denoi besteen partez. Eskerrak ez zarete mendekatiak. Edo bai?

Autobusean, txangotik itzultzean, sekulako filma ikusi/entzun genezakeen, eta gauarekin batera, Gasteizekoek "multiabentura" gehiago bizi nahi eta bidaia amaitzeko N-I zeharkatu zuten “con dos cojones” (batek dixit.) Hurrengoan espero dugu potroak bakean utzi eta buruaz jokatzea. Zer iruditzen zaizue Gorbeia merkataritza-gunea edo Zuasti atseden-gunea?

4.- Bestelakoak

Oharra: LMTk Gauza Galduen bulegoa ireki berri du. Norbaitek zerbait galdu badu, deitu LMTra, dohaintza bada zozketatuko dugu. Salgai utzi nahi badu Troclathonera, bigarren eskuko materiala azokara, eraman, faborez (lo-zaku bat daukagu, norbaitena bada dei dezala).

Txango honetan batek OHOko Natura oinarrizko Ikasketa ere jaso zuen. Ikasgaiak: ezpeleta, hostazuria, moja-kuxina eta astigarra. Ez dakizue zer diren? hurrengo batean Pedroren hurbil ibili, edo "bat" horrek berak esango dizue. Beno Migelek eta Amaia moja-kuxina zer den ongi dakiten, ze erdaraz esaten den bezala “la letra con sangre entra”. Zelan hanka horiek?

Kritikak: kritikak bideratu nahi badituzue info@lizardimt.com eskura duzue. Itzuli-bidaiaren filma horri buruz ez egin kritikarik, mesedez, ondo badakigu. Oraindik dardaraka pizten dugu batzuk telebista etxean.

Helburuak: helburu guztiak ez genituen bete, jakina. Baina oinarrizkoak bai: asteburu dibertigarria pasatzea, paisaia izugarria gozatzea eta euskaraz bizitzea egun batzuez. Aspaldiko lagunekin egoteko aukera izatea eta lagun berriak egitea ere bai.

Eta amaitzeko, ez ahaztu, gu Mundu Galduan geunden bitartean, aldaketa iraultzaile bat gauzatu zen Mundu Errealean, hau da, Lehoiek entrenatzailea ordezkatu zuten. Eta Konstituzioa edo Estatutua aldatu beharrik ez. Hau infernu gorri-zuria!

Rafak egina